Avtobus qəzaya uğradı - ÇOX SAYDA ÖLÜ VƏ YARALI VAR

Misirin şərqindəki Ayn Soxna şəhəri yaxınlığında avtobusun qəzaya uğraması nəticəsində azı 12 nəfər ölüb, 33 nəfər yaralanıb. 

News24.az xəbər verir ki, bu barədə Misir Səhiyyə Nazirliyinin mətbuat xidməti məlumat yayıb.

Avtobusun Zəfəranə-Süveyş marşrutu ilə hərəkətdiyi bildirilib. Qəza yerinə 28 təcili tibbi yardım maşınının göndərildiyi qeyd edilib.

“Reuters”-in məlumatına görə, qəza nəticəsində Qalala Universitetinin tələbələri xəsarət alıb.

İlkin məlumata görə, qəza avtobus sürücüsünün idarəetməni itirməsi səbəbindən baş verib.

Teymur Məmmədov