Bel ağrısını bu üsullarla azaldın

Bu gün bir çox insanın yaşadığı bel ağrıları oturaq həyat tərzi, pis duruş və stress kimi faktorlardan qaynaqlanır. Bel ağrılarından xilas olmaq üçün bəzi sadə həllər tətbiq etməklə böyük fərq yarada bilərsiniz. 

News24.az xəbər verir ki, həyatınızı asanlaşdıracaq üsullar bunlardır:

1. Müntəzəm olaraq idman edin

Bel ağrıları ilə mübarizə aparmağın ən təsirli yollarından biri müntəzəm məşq kimi tanınır. Gücləndirici məşqlər qarın və arxa əzələlərinizi gücləndirmək üçün idealdır. Bu əzələ qruplarının gücü onurğaya təzyiqi azaldaraq ağrıları aradan qaldırır. Həftədə ən azı üç gün uzanma və gücləndirmə hərəkətlərini ehtiva edən məşqlər etmək ağrılarınızı azalda və ümumi bədən sağlamlığınızı yaxşılaşdıra bilər.

2. Düzgün duruş qəbul edin

Bütün gün oturarkən və ya ayaqda durarkən bədən duruşunuz bel ağrılarına səbəb ola bilər. Zəif duruş onurğaya əlavə stress qoyur, əzələlərin sıxılmasına səbəb olur. Oturarkən kürəyinizi düz tutmalı, ayaqlarınızı yerə düz qoymalı, kompüter ekranı göz səviyyəsində olmalıdır. Dayanarkən, çiyinlərinizi geridə və başınızı dik tutaraq onurğanın düzülməsini təmin etməlisiniz. Duruşunuzu düzəltmək uzun müddətdə ağrıları azaltmağa kömək edir.

3. Kifayət qədər dincəlin və yatın

Bədənin özünü bərpa etməsi üçün keyfiyyətli yuxu çox vacibdir. Yuxunun olmaması və ya yanlış yuxu mövqeləri əzələlərin və oynaqların sərtləşməsinə səbəb ola bilər. Ortopedik döşək və düzgün yastıq seçmək onurğanın təbii əyriliyini qoruyub saxlamaqla bel ağrılarınızı yüngülləşdirəcək. Yatarkən arxa üstə uzanmağı və dizlərinizin altına kiçik bir yastıq qoyaraq onurğanızı dəstəkləməyi seçin.

4. İstilik müalicəsi tətbiq edin

İsti tətbiqlər ağrılı bölgələrdə qan axını artırmaq və əzələləri rahatlaşdırmaq üçün çox təsirli ola bilər. Qaynar su şüşəsi və ya isidici yastığı istifadə edərək kürəyinizə 15-20 dəqiqə istilik tətbiq etmək əzələləri rahatlamağa kömək edir. Alternativ olaraq, isti duş qəbul etmək də oxşar rahatlama təmin edə bilər. İstilik terapiyası əzələ gərginliyini azaltmaqla ağrıları aradan qaldırmağa kömək edir.

5. Stressdən uzaq durun

Stress bel ağrılarının əsas səbəblərindən biridir. Stress əzələlərin sıxılmasına, ağrının artmasına səbəb ola bilər. Stressi azaltmaq üçün gündəlik iş rejiminə meditasiya, yoqa və ya dərin nəfəs məşqləri kimi istirahət üsullarını əlavə edə bilərsiniz. Ruhi və fiziki sağlamlığınızı dəstəkləmək üçün müntəzəm fasilələr vermək və təbiətdə vaxt keçirmək də təsirli ola bilər.

Məryəm İlhamqızı