Zamanı silinən adam: 39 ili itdi

İtaliyada baş verən maraqlı hadisə bütün dünyanı heyrətə gətirib. 

News24.az xəbər verir ki, 2019-cu ildə Romada baş verən yol qəzası nəticəsində komaya düşən Luciano D'Adamo 39 il əvvəlki həyatında ilişib qalıb. 

63 yaşında olan Lusiano oyananda hələ də 24 yaşında olduğunu düşünüb.

Qəza nəticəsində yaddaşının böyük hissəsini itirən Luciano 1980-ci ildə həyatını davam etdirdiyini zənn edib. Halbuki onun 63, oğlunun isə 30 yaşı var idi. Daha da təəccüblü olanı onun texnologiya ilə bağlı tam şoku idi. Smartfonlar, GPS cihazları və müasir dünyanın digər yenilikləri ona elmi fantastikadan kənar bir şey kimi görünüb. Xüsusilə maşında ona istiqamət verən GPS səsi onu heyrətləndirib.

Qəzadan sonra 5 il ərzində Lusiano həkimlərin və psixoloqların köməyi ilə itirilmiş xatirələrini qaytarmağa çalışıb. Ancaq yalnız bəzi kiçik xatirələr geri qayıtdı. 

Məryəm İlhamqızı