Kim Çen In riskə getdi - Bu, onun sonunu gətirə bilər

Rusiya və Şimali Koreya o qədər yaxınlaşıb ki, Kim Çen In öz qoşunlarını Ukraynaya qarşı müharibəyə göndərib. Amma bu durum Moskva və Pxenyana problemlər yarada bilər.

News24.az xəbər verir ki, bu barədə “Bloomberg” yazır.

Heç bir Şimali Koreya lideri xaricdəki münaqişədə iştirak edərək ölkənin hərbi qüvvələrinin ciddi itkilərə məruz qaldığı durumla üzləşməyib. Şimali Koreyanın siyasətinin əsas prinsiplərindən biri ictimai həyatın demək olar ki, bütün sahələrinə təsir edən silahlı qüvvələrə üstünlük verilməsidir.

Ukraynada ölən və ya yaralanan Şimali Koreya əsgərlərinin sayı artarsa, Kim Çen In onun gücünün əsasını təşkil edən ordu tərəfindən ciddi problemlərlə üzləşə bilər. Bu durumda ordu rəhbərliyinin əhali arasında narazılıq yaratması mümkündür.

Şimali Koreya qoşunlarının Ukraynadakı münaqişəyə cəlb edilməsi potensial olaraq Cənubi Koreyanın müdaxiləsinə səbəb olacağı üçün Rusiya üçün də problemə çevrilə bilər. Paralel olaraq, Cənubi Koreyanın Ukraynanı Rusiyaya qarşı silah-sursatla təmin edəcəyi də istisna olunmur.

// Teleqraf.com