Pxenyanın zibil şarı prezident iqamətgahına düşdü

Şimali Koreyanın göndərdiyi zibil dolu şar növbəti dəfə Cənubi Koreyanın paytaxtı Seulda prezident iqamətgahına düşüb.

Axar.az xəbər verir ki, bu barədə “Assoşeyted Press” məlumat yayıb.

Zibil şarının prezidentin iqamətgahı üzərində partlaması nəticəsində yerə düşən dağıntılarda heç bir təhlükəli predmet aşkar edilməyib.

Bildirilib ki, bu hadisə strateji obyektlərin mühafizəsi ilə bağlı narahatlıqları artırıb.