Şimaldan gələn zibil balonu Prezident Aparatının binasına düşdü

Şimali Koreya ilə Cənubi Koreya arasında “şar” gərginliyi davam edir. Cənubi Koreya Baş Qərargahının (JCS) verdiyi açıqlamada Şimali Koreyanın növbəti dəfə Cənubi Koreyanın sərhəd bölgələrinə zibillə dolu şarlar göndərdiyi bildirilib.

News24.az xəbər verir ki, paytaxt Seul yaxınlığındakı Gyeonggi əyalətinin səmasında hava şarlarının göründüyü bildirilərkən, camaatdan şarlara toxunmamağa və təhlükəsizlik qüvvələrinə məlumat verməyə çağırılıb.

Cənubi Koreya Prezidentinin Təhlükəsizlik Xidmətinin (PSS) verdiyi açıqlamada zibil daşıyan şarın Cənubi Koreya Prezident Aparatının kampusuna düşdüyü bildirilib.

Açıqlamada hava şarının daşıdığı tullantı materiallarının təhlükəsizlik baxımından araşdırıldığı və “Kimyəvi, bioloji və radioloji reaksiya qrupları tərəfindən aparılan ekspertizada tullantıların heç bir təhlükə və çirkləndirici olmadığı müəyyən edilib” deyə bildirilib.

Günel Məlikzadə