Şortik geyinməyən qadın futbolçu meydana çıxa bilmədi

İngiltərənin paytaxtı Londonda yaşayan müsəlman futbolçu İqra İsmayıl şortik yox şalvar geyindiyi üçün meydançaya buraxılmayıb.

News24.az BBC-ə istinadla xəbər verir ki, qaçqınların hüquqlarını müdafiə edən İsmayıl 2019-cu ildə Somali komandasının kapitanı olub və Londonda Hilltop FC komandasını yaradıb. 

Lakin United Dragons FC-yə keçdikdən sonra hakim onun ilk oyununu keçirməsinə icazə verməyib.

İsinmə hərəkətindən sonra hakimin yanına gəldiyini və xəbərdarlıq etdiyini deyən İsmayıl, "Beş ildir ki, eyni liqada bu paltar ilə futbol oynayıram və heç vaxt şortik geyinmək məcburiyyətində qalmadım" deyib.

Şortik geyinməsinin mümkün olmadığını deyərək matçda meydana çıxmayan İsmayıl komanda yoldaşlarının və məşqçisinin ona dəstək olduğunu da vurğulayıb.

İsmayıl qeyd edib ki, bir çox qadınların istedadı və qabiliyyəti olsa da, bu rəftardan qorxduqları üçün futboldan uzaqlaşırlar.

Məryəm İlhamqızı