"Telegram" istifadəçiləri üçün əla xəbər: Yeni funksiya gəlir

"Telegram" messenceri video platformasına çevrilir.

News24.az xəbər verir ki, bu barədə messencerin qurucusu Pavel Durov öz "Telegram" kanalında məlumat verib.

Durov bildirib ki, əvvəllər Telegram-da videolar müxtəlif çat və kanallarda paylaşılır, lakin tam baxış üçün istifadəçilər böyük həcmdə məlumat yükləməli olurdu və videoların tam yüklənməsini gözləyirdilər. Hətta qısa videolarda belə bu cür çətinliklər yaşanırdı.

Son yeniləmə ilə Telegram serverləri populyar videoları bir neçə keyfiyyət variantında sıxışdıracaq və yayıma uyğun şəkildə optimallaşdıracaq. Bu sayədə Telegram hər bir istifadəçinin internet sürətinə əsasən videonun keyfiyyətini avtomatik seçəcək.

Bu yenilik, Telegram-ın daha axıcı və rahat video izləmə təcrübəsi təqdim edərək video platforması olma istiqamətində irəlilədiyini göstərir. 

\\Musavat.com