Türkiyədə yaşayış binasında partlayış: ölü və yaralılar var

Türkiyənin Çorum şəhərində yaşayış binasında partlayış baş verib.

News24.az Axar.az-a istinadla xəbər verir ki, bu barədə Türkiyə mətbuatı məlumat yayıb.

Çorum valisi Əli Çalqan partlayış nəticəsində 1 nəfərin öldüyünü, daha 16 nəfərin isə yaralandığını bildirib. Yaralılardan bəzilərinin vəziyyətinin ağır olduğu bildirilir.

İlkin ehtimallara görə, partlayış qaz sızması səbəbindən baş verib.

Əraziyə çoxlu sayda yanğınsöndürən, təcili tibbi yardım maşını göndərilib.