"Eşkıya Dünyaya Hükümdar Olmaz"ın aktyorundan ETİRAF

Daha əvvəl “Bir Demet Tiyatro”, “Nömrə 7”, “Yalan Dünya”, “Kapalı Çarşı”, "Eşkıya Dünyaya Hükümdar Olmaz", “Ramo”, “Dərzi” kimi filmlərdə iştirak edən Olgun Şimşək aktyorluk seminarında iştirak edib.

News24.az xəbər verir ki, seminardan əvvəl karyerası ilə bağlı səmimi açıqlamalar verən Olgun Şimşək iştirak etdiyi layihələrdə türkülər oxumağın zövqlü olduğunu ifadə edib:

"Mən solist deyiləm. Televiziya serialı və ya dostumun "Youtube" proqramı mahnı oxumağa imkan yaradır. Mahnılar oxuyuram, amma əsas işim aktyorluqdur".

1988-ci ildə konservatoriyaya daxil olduğunu xatırladan Olgun Şimşək sözlərini belə davam edib:

"O dövrdə 2-3 konservatoriya var idi. Konservatoriyaya daxil olanda “Seriala çəkilib məşhurlaşacam” kimi bir məqsədim yox idi. Məni görüb dedilər ki, “bu, istedadlı uşaqdır”. Onsuz da məndən bundan başqa heç nə olmazdı. Mən əslində çarəsizlikdən aktyor oldum".

Günel Məlikzadə