Limonlarınız tez xarab olur? - bu üsuldan istifadə edin

Meyvə və tərəvəzlərimizi uzun müddət təzə saxlamaq üçün hamımız müxtəlif üsullara əl atırıq. Lakin bəzi meyvələrin saxlanma şəraiti bildiyimizdən fərqli ola bilər. Tez-tez istifadə etdiyimiz bir meyvənin, xüsusilə limonun ömrünü uzatmağın sadə üsulu var.

News24.az xəbər verir ki, bu problemi həll etmək üçün mütəxəssislər praktiki üsul təklif ediblər.

Limonu bir qabda suda isladıb soyuducuda saxlamaq onların ömrünü aylarla uzada bilər. Bu üsul limonların xarici qabıqlarının qurumasının qarşısını alır və təzəliyini qoruyur.

Limonların xarici qabığı nəmli mühitdə daha uzun müddət qalır. İçi su ilə dolu qabda saxlanılan limonlar bu nəmli mühit sayəsində təravətini qoruyur. Bundan əlavə, bu üsul limonun qida dəyərini itirməsinin qarşısını alır.

Necə istifadə olunur?

Limonları yaxşıca yuyun. Bağlana bilən bir qabı su ilə doldurun və içinə limon qoyun. Qabın qapağını möhkəm bağlayın. Hazırlanmış qabı soyuducuda saxlayın.

Məryəm İlhamqızı