Güclü külək Göyçayda fəsadlar törədib

Gecədən əsməyə başlayan güclü külək Göyçayda fəsadlar törədib.

News24.az xəbər verir ki,"Report"un Yuxarı Şirvan bürosu xəbər verir ki, güclü külək səbəbindən rayonda elektrik enerjisinin verilişi dayanıb.

Şəhər ərazisində bir neçə iri gövdəli ağaclar aşıb, çoxmərtəbəli binaların dam örtüyü uçub, ticarət obyektlərinə ziyan dəyib.

Hazırda fəsadların aradan qaldırılması istiqamətində aidiyyatı qurumların əməkdaşları əraziyə cəlb olunub, təcili və təxirə salınmaz zəruri işləri həyata keçirilir.