"Bunu hamı edir, tək mən yox" - SOSİAL ÇARX

Bakı şəhər İcra Hakimiyyəti şəhərin sakinlər tərəfindən zibillənməsinə qarşı sosial çarx çəkib. 

News24.az xəbər verir ki, videoda şəhərin küçələrinə zibil atan şəxslərə irad bildirəndə cavab eynidir. “Hamı belə edir. Məgər təkcə mənəm?”

Şəhərimizi zibilləyən elə bizik, özümüz. Hər birimiz küçədə zibili yerə atarkən "bunu etmək düzgün deyil" düşüncəsinə dalsaq və 1 dəqiqəmizi zibil qutusuna yaxınlaşıb zibili öz yerinə atmağa sərf etsək şəhərimiz də, dünyamız da təmiz olar. Axı bu dünya, bu ölkə, bu şəhər bizimkidir, həm də övladlarımızın!