Maldivə gedənlərə pis xəbər: Sərt qadağalar...

Dekabrın 15-dən Maldiv Respublikasında elektron siqaret qadağası qüvvəyə minəcək.

News24.az Publika.az-a istinadən xəbər verir ki, qadağa parlamentin noyabrın 12-də qəbul etdiyi Tütünlə Mübarizə Aktına edilən Birinci Düzəliş çərçivəsində həyata keçirilir.

Qanun layihəsi elektron siqaretlərin, vapinq cihazların və bu cür cihazlarla istifadə üçün nəzərdə tutulmuş hissələrin idxalını, satışını, pulsuz paylanmasını və istifadəsini qadağan edir. Qanunu pozmağa görə cərimələr var.

Qeyd olunur ki, Maldiv Gömrük Xidməti bu cür cihazları və müvafiq materialları müsadirə etməklə qaydalara əməl olunmasına nəzarət edəcək.