Dəhşətli mesaj verildi: “Qiyamət günü”ndə SSRİ-nin himni eşidildi -Başlayır?

Qiyamət günü radiostansiyası” adlandırılan UVB-76 rusiyalı ifaçı Şamanın “Mən rusam” mahnısını və SSRİ himnini, həmçinin “Qu gölü”nü efirə verib.

News24.az xəbər verir ki, bu barədə “Baza” Teleqram kanalı məlumat yayıb.

“Qiyamət Radiosu” Şamanın mahnısını və “Qu Gölü” yayımlayır. Bu, qorxulu mesajdır”, - məlumatda deyilir.

Qeyd edək ki, qısa dalğalı radiostansiya 1976-cı ildə fəaliyyətə başlayıb. UVB-76 gecə-gündüz yayımlanır, lakin yayımın 99,99 faizi adi radar “vızıltısıdır”. Buna görə də “Qiyamət Radiosu” adlanır.

UVB-76-nın məqsədi dəqiq məlum deyil. Bəziləri onu müharibə vəziyyətində nüvə raketlərinin avtomatlaşdırılmış şəkildə buraxılması üçün kompleks olan “Perimetr” sisteminin bir hissəsi adlandırırlar. Siqnal kəsilərsə, sistem potensial düşmənə cavab nüvə zərbəsi endirəcək, buna görə də "Sızıldayan Qiyamət radiosu" adlanır.

Başqa bir versiyaya görə, məxfi mesajlar, o cümlədən qəbul stansiyalarında operatorların hazır olduğunu təsdiqləmək üçün efirdə yayımlanır. Belə bir fərziyyə var ki, bəzən səslər uğultuya daxil olur ki, bu da Rusiya kəşfiyyatının xaricdəki agentləri üçün siqnal ola bilər.

2017-ci ilin avqustunda BBC tezliyin Rusiya Silahlı Qüvvələrinə aid olduğunu iddia etdi, lakin bu məlumatın rəsmi təsdiqi yoxdur. Bundan əlavə, materialda stansiyanın soyuq müharibə dövründə hərbi məlumatların ötürülməsi üçün yaradıldığı ehtimal edilirdi./publika.az