Səbuhi Zamanın yeni kitabının təqdimatı keçirilib - FOTO

Dekabrın 20-də "Hyatt Regency" hotelinin Quba Zalında Mədəniyyətin Təbliği və Sosial Təşəbbüslər İctimai Birliyinin sədri Səbuhi Zamanın (Bayramovun) “Adamin Dibi…” adlı yeni kitabının təqdimatı keçirilib. 

News24.az xəbər verir ki, təqdimatda Azərbaycanın tanınmış ictimai-siyasi, mədəni xadimləri, millət vəkilləri, ədəbiyyatsevərlər, şairlər, yazıçılar, KİV və QHT nümayəndələri iştirak ediblər. Təqdimat “Ümid yeri” uşaq sığınacağına dəstək məqsədilə təşkil olunub. Bu kitab Səbuhi Zamanın duyğularını, düşüncələrini və həyat təcrübəsini bölüşdüyü bir əsərdir. Kitabda müəllif tərəfindən insanın daxili aləmi, cəmiyyətin sosial və mənəvi məsələləri üzərində fəlsəfi düşüncələr təqdim edilib.

“Adamin Dibi…” əsəri, müasir Azərbaycan cəmiyyətinin müxtəlif üzləri və insanın öz daxili dünyası ilə üzləşdiyi anların incə təsvirlərini ehtiva edir. Kitabda həmçinin, əxlaqi, mənəvi çatlar və insanın daxili mübarizəsi kimi mövzular geniş şəkildə işıqlandırılır. Səbuhi Zaman (Bayramov) özünün fəlsəfi yanaşmaları və realizm təəssüratını oxuculara təqdim edərək, onların düşüncələrini yenidən qurmağa, onlara yeni perspektivlər təqdim etməyə çalışıb. Müəllifin özünəməxsus dil üslubu və dərin mənalı yazı tərzi, oxucunun əsəri başdan sona qədər maraqla izləməsinə səbəb olur.

Təqdimat mərasimində iştirakçılar müəllifin yeni əsəri haqqında ətraflı məlumat almaq, onunla birbaşa söhbət etmək imkanı əldə ediblər. Tədbirdə həmçinin, Səbuhi Zaman (Bayramov) kitabının yazılma prosesindən, onun yazı dünyasında yerindən və əsərdə qaldırdığı sosial problemlərdən bəhs edib. O, kitabda insanın öz daxili aləmi ilə üzləşməsinin, daxili mübarizəsinin və həyatın mənasını axtarmağın əsas mövzular olduğunu qeyd edib.

Təqdimat zamanı, kitabın əhəmiyyətindən və müəllifin əsərinə qoyduğu mənəvi dəyərdən bəhs edən bir çox hörmətli şəxslər çıxış ediblər.

Çıxışlarda müəllifin üslubunun orijinallığı və kitabın müasir Azərbaycan ədəbiyyatında tutduğu yeri vurğulanıb. Həmçinin “Adamin Dibi…” əsərinin oxuculara insan ruhunun mürəkkəbliyini və cəmiyyətin dəyişən dəyərlərini dərindən anlamağa imkan verdiyi bildirilibb. Bundan başqa kitabın dilinin zənginliyi və fəlsəfi yükü xüsusi olaraq qeyd edilib.

Eyni zamanda təqdimat mərasimində xarici ölkələrdən tanınmış ziyalıların təbrik mesajlarının videoçarxı nümayiş olunub.    

Tədbir oxucuların və jurnalistlərin Səbuhi Zamanla (Bayramov) birbaşa ünsiyyət quraraq suallar verdikləri bir müzakirə ilə davam edib. Müəllif iştirakçıların suallarına cavab verərək, kitabın əsas ideyalarını və şəxsi həyat təcrübələrini paylaşıb.

Tədbir mərasimi, həmçinin kitabın təqdimatını və müəllifin dərin fikirlərini daha geniş auditoriyaya çatdırmaq məqsədilə ədəbi-bədii kompozisiya ilə son dərəcə maraqlı və unikal bir tədbir olaraq yadda qalıb.

Xatırladaq ki, Səbuhi Zaman (Bayramov) uzun illərdir ki, Azərbaycanda və Türkiyədə müxtəlif mədəniyyət və sosial təşəbbüslərlə məşğuldur. O, Təbliği və Sosial Təşəbbüslər İctimai Birliyinin sədri olaraq, cəmiyyətin inkişafına və mədəni irsin qorunmasına böyük töhfələr verir. Yazıçı olaraq, onun əsərləri həmişə aktuallığı və cəmiyyətə olan dərin bağlılığı ilə seçilib. Səbuhi Zaman (Bayramov), eyni zamanda sosial mediada və televiziyalarda bədii qiraətçi kimi çıxış edir.