Spirtli içkilərin satışı qadağan EDİLDİ

Rusiyada həftə sonları spirtli içkilərin satışını qadağan edən qanun layihəsi birinci mərhələdən keçib. 

News24.az xəbər verir ki, Rusiyanın aşağı palatası kimi fəaliyyət göstərən Dövlət Dumasının Səhiyyə Komitəsinin üzvü Biysultan Həmzəyevin təklifi xüsusilə Voloqda vilayətində “ayıqlıq təcrübəsindən” ilhamlanır.

Bu ayıqlıq təcrübəsinin tərkib hissəsi kimi Həmzəyev bildirib ki, rayonda alkoqollu içkilər həftə içi yalnız iki saatlığına satıla bilər. O təklif edib ki, həftə sonları da bu tənzimləməyə daxil edilsin.

Rusiyanın dövlət xəbər agentliyi TASS-a danışan siyasətçi, "İctimaiyyət tərəfindən bu məhdudiyyətlərə qarşı "alkoqol etirazı" olmadı. Əksinə, insanlar bu yaxşı tədbiri dəstəklədilər" deyib.

Qeyd edək ki, Voloqdada spirtli içkilərin satışını məhdudlaşdıran qanun martın 1-dən qüvvəyə minib. Həmzəyevin sözlərinə görə, bu tətbiqin ilk ayında rayonda alkoqol satışının ümumi həcmi 19 faiz azalıb.

Spirtli içki mağazalarında azalma 50 faizə çatıb. Millət vəkili bildirib ki, qanun sayəsində icazəsiz spirtli içkilərin satıldığı yerlər bağlanmağa başlayıb və bununla da dava, qəza kimi sosial problemlər aradan qaldırılıb.

Günel Məlikzadə