Keçmiş məhkumun evində narkotik vasitələr aşkarlanıb

Xətai Rayon Polis İdarəsinin 34-cü Polis Şöbəsinin əməkdaşlarının keçirdikləri əməliyyat tədbirləri nəticəsində Bakı şəhər sakini, əvvəllər məhkum olunmuş M.Əbdulmanafovun evindən 50 qram heroin, 1,726 qram marixuana, 1,12 qram metadon həbi və həyətyanı sahədən kultivasiya yolu ilə yetişdirilmiş beş çətənə kolu aşkarlanaraq götürülüb.
Daxili İşlər Nazirliyinin mətbuat xidmətindən News24.az -a bildiriblər ki, narkotik vasitə ilə tutulmuş Ağalar Xəlilovun ətrafında Baş Mütəşəkkil Cinayətkarlıqla Mübarizə İdarəsinin əməkdaşları tərəfindən aparılmış əməliyyat tədbirləri ilə onun Sabunçu rayonunun Maştağa qəsəbəsindəki torpaq sahəsinə baxış zamanı kultivasiya yolu ilə yetişdirilmiş 168 çətənə kolu aşkarlanıb.
Hər iki faktla bağlı araşdırmalar aparılır.