"Facebook" və "Twitter"dən şok addım: - Yüzlərlə istifadəçinin profili silindi

"Facebook" və "Twitter" növbəti dəfə şok addım atıb.

News24.az xarici KİV-ə istinadən xəbər verir ki, sosial şəbəkə rəhbərlərinin Çindən olan istifadəçilərə qarşı bu addımı atmasına səbəb isə Honkonqdakı etiraz aksiyalarına insanların cəlb olunmasıdır. 

Araşdırma nəticəsində "Twitter"də 936 hesabın etiraz aksiyanının keçiriləcəyi məkanlar barədə məlumat yaydığı ortaya çıxıb. 2 min profilin isə bu istiqamətdə paylaşım etməsinin qarşısını almaq məqsədi ilə hesabları dondurulub.

"Facebook"da isə eyni səbəbə görə 5 profil, 7 səhifə və 3 qrup silinib. Sözügedən qruplardan birində 15 mindən çox istifadəçi olub.