"PKK/YPG həbsxanadan 800 DEAŞ üzvünü sərbəst buraxıb" Türkiyə Müdafiə Nazirliyi

Türkiyə Müdafiə Nazirliyi PKK/YPG terror təşkilatının ən az 800 DEAŞ üzvünü Tel Abyad həbsxanasından sərbəst buraxdığını açıqlayıb.

News24.az xəbər verir ki, Nazirliyin açıqlamasında DEAŞ təhdidi səbəbilə yüzlərlə itki verən və DEAŞ terrorçuları ortaya çıxdığından bəri tərəddüdsüz iradə ilə bölgədə mövcud olanyeganə ölkə Türkiyənin olduğunu bildirib: “Türkiyə meydanda DEAŞ ilə silahlı mübarizə aparan yeganə NATO və koalisiya ölkəsi olaraq, Suriya və İraqda 4 mindən çox radikal DEAŞ üzvünü zərərsizləşdirdiyi halda, PKK/YPG terror təşkilatı Tel Abyad həbsxanasından ən azı 800 DEAŞ üzvünü sərbəst buraxıb. Başda DEAŞ olmaqla terror təşkilatlarını bölgədən silib atmaq məqsədi daşıyan ‘Sülh çeşməsi’ əməliyyatı və son zamanlarda DEAŞ-ın qondarma liderlərinə qarşı keçirilən əməliyyatlar qətiyyətimizin göstəricisidir”.