Metroda növbəti sıxlıq

Səhər saatlarında metronun "İçərişəhər" istiqaməti üzrə hərəkətində yubanma olub. 

News24.az xəbər verir ki, Bakı Metropoliteni QSC-nin mətbuat xidmətinin rəhbəri Bəxtiyar Məmmədov bildirdi ki, buna səbəb qatarların birində texniki nasazlığın olmasıdır.

B.Məmmədov bildirib ki, qatar sərnişinsiz olmaqla depoya göndərilib:"Onun əvəzinə xəttə yeni qatar buraxılıb. Nəticədə qırmızı xətt üzrə, yəni "İçərişəhər" istiqamətində hərəkət edən qatarlarda 8 dəqiqəlik yubanma yaranıb. Yubanma interval olaraq 2 qatar arasında olub. Hazırda dispetçerlər intervalın normaya qaytarılması ilə bağlı işlər görür. Tezliklə hər şey normasına düşəcək".

Afaq Mirayiq