Öldürülən Nərmini sonuncu dəfə görən... “Dedim, sənə xüsusi hədiyyə alacam”

Tovuzda vəhşicəsinə öldürülən Nərmin Quliyevanı sonuncu dəfə ailənin kirvəsi Maarif Quliyev görüb.

O,  News24.az-ın əməkdaşı ilə söhbətdə bildirib ki, Nərminlə aralarında qısa söhbət olub: “Kəndə gedən yolda döngədə üz- üzə gəldik, dedi, nənəmgilə gedirəm. Mən də qoyunları suya apardım, həmin gün çox soyuq idi, ona görə evə getdim. Səhəri gün itkin düşdüyünü eşitdim”. 

“Söhbət elədik, soruşdum, dərslərindən neçə alırsan? Dedi, 4, 5 alıram. Mən də dedim ki, əgər, yaxşı oxusan, instituta girsən, sənə xüsusi hədiyyə alacam. Allah rəhmət eləsin. Onu edənlərin qanında erməni qanı var". - deyə Maarif Quliyev əlavə edib. 

Sevda Bayramova
Foto: Fərid Şabanov