“Akademik Xoşbəxt Yusifzadə” gəmisi gələn il İSTİSMARA VERİLƏCƏK
    • 16-01-2020, 10:25
    • 849

“Akademik Xoşbəxt Yusifzadə” gəmisi gələn il İSTİSMARA VERİLƏCƏK

Prezident İlham Əliyevin yanvarın 15-də imzaladığı sərəncama əsasən, “Azərbaycan Xəzər Dəniz Gəmiçiliyi” QSC-nin sifarişi ilə “Bakı Gəmiqayırma Zavodu” MMC-də inşası davam etdirilən yeni nəsil neftdaşıyan tankerinin Azərbaycan Dövlət Neft Şirkətinin (SOCAR) I vitse-prezidenti, görkəmli neftçi alim və geoloq, akademik Xoşbəxt Yusifzadənin şərəfinə “Akademik Xoşbəxt Yusifzadə” adlandırılması qərara alınıb.

News24.az xəbər verir ki, bu barədə “Azərbaycan Xəzər Dəniz Gəmiçiliyi” QSC-nin mətbuat xidmətindən məlumat verilib. Sözügedən gəminin 2021-ci ildə istismara verilməsi nəzərdə tutulur.

“Dənizçilər olaraq gəminin X.Yusifzadənin adını daşımasından sonsuz qürur və iftixar hissi duyuruq. İnanırıq ki, tanker istifadəyə verildikdən sonra həm donanmamız, həm də ümumilikdə ölkəmiz üçün böyük uğurlar gətirəcək”, - qurum bəyan edub.