Şamaxıda bacı və qardaşa hücum edib onlar... – CİNAYƏT İŞİ

Şamaxı rayonunda soyğunçuluq etmiş şəxs barəsində açılan cinayət işinin ibtidai istintaqı başa çatıb.

News24.az-ın məlumatına görə, rayon sakini Hüseynxan Yadigarlının 2 nəfərə qarşı etdiyi əməllə bağlı Azərbaycan Respublikasının Cinayət Məcəlləsinin 180.2.4-cü, yəni, soyğunçuluq -  insanların həyatı və ya sağlamlığı üçün təhlükəli olmayan zor tətbiq etməklə törədildikdə maddəsi ilə açılan işin materialları Şamaxı Rayon Məhkəməsinə göndərilib. İşə hakim Etibar Hümbətov tərəfindən baxılacaq.

Məhkəmənin hazırlıq iclası 22 yanvarda keçiriləcək.

Qeyd edək ki, H.Yadigarlı Şamaxıda bacı və qardaşa hücum edərək onlara qarşı soyğunçuluq cinayəti törədib.