Britaniya səfiri Bərdənin icra başçısı və məktəblilərlə görüşdü - FOTOLAR

Bu gün Britaniyanın Azərbaycandakı səfiri Ceyms Şarp Bərdə rayonu 4 nömrəli tam orta məktəbində sonuncu Resurs və Təlim Mərkəzimizin açılışında iştirak edib.

News24.az xəbər verir ki, səfir şagirdlərlə, valideynlərlə və müəllimlərlə maraqlı söhbət apardı və onların Mərkəz və təmas xəttinə yaxın bir məsafədə yaşayışları haqqında fikirlərini öyrənib.

Resurs və Təlim Mərkəzi British Council Azerbaijan tərəfindən Birləşmiş Krallıq hökumətinin maliyyə dəstəyi ilə həyata keçirilir. Bu mərkəzlər gənclərin özlərindən əminliyini artırması və gələcəkdə təhsil və karyera yolunda daha yaxşı imkanlara sahib olması məqsədilə onların bacarıqlarının inkişaf etdirilməsinə istiqamətləndirilmiş üç illik proqramdır.

Səfər çərçivəsində səfir Şarp Bərdə Rayon İcra Hakimiyyətinin başçısı cənab Vidadi İsayevlə də görüşüb.