"İsrail Azərbaycanın ərazi bütövlüyünü tam dəstəkləyir" - CORC DİK

"Dağlıq Qarabağ münaqişəsi məsələsində İsrail Azərbaycanın ərazi bütövlüyünü tam dəstəkləyir".

News24.az xəbər verir ki, bu sözləri İsrailin Azərbaycandakı səfiri Corc Dik mətbuat konfransında deyib. O, İsrailin münaqişənin nə olduğunu bildiyini deyib:"Münaqişənin nə olduğunu yaxşı bilirik. Çünki biz də münaqişələr yaşamışıq. Minsk qrupunun səylərini də yüksək qiymətləndiririk. Hər hansı bir razılaşma əldə olunduqda İsrail də bunu dəstəkləyəcək. Həmçinin inanıram ki, İsrail əhalisi Azərbaycan haqda eşitməli və tarixini bilməlidir. Buna görə də İsraildə Azərbaycan tərəfinin olmasını dəstəkləyirəm. İsraildə Azərbaycan səfirliyinin açılması Azərbaycanın səsini daha çox eşitdirə bilər".

Teymur Məmmədov