"İran rejimi əhalidən yığılan vergi pullarını terrorizmə yönəldir" - İSRAİL SƏFİRİ

"Hər iki ölkə bu fikirlə razıdırlar ki, dünya terrorizm və şiddətdən azad olmalıdır. İsrail digər ölkələr kimi inanır ki, biz təhlükəsiz ölkədə yaşamalıyıq. İsrail dünya icması faşizm və nasizmlə mübarizəni dəstəkləyir və Azərbaycanın bu sahədə verdiyi tövhəni də yüksək qiymətləndirir".

News24.az xəbər verir ki, bu sözləri İsrailin Azərbaycandakı səfiri Corc Dik deyib. 

Səfir bildirib ki, illər öncə Berlində yəhudilərə qarşı edilənlərin hazırda İranın törətdiklərindən heç bir fərqi yoxdur:"Buna çox ciddi yanaşmaq lazımdır. İran artıq bir neçə onlilliklər ərzində İsraili dünya xəritəsindən silmək istəyir. Hətta raketlərin şəkillərini çəkərək üzərinə İsrailə ölüm yazırlar. İran bölgədə terrorizmə çağırışlar edir. Ancaq ölüm və qeyri-sabitlik yaratmağa çağırır. Onu da qeyd etmək lazımdır ki, iran xalqı bizim dostumuzdur. Onları rejimə qarşı mübarizə aparmaqda dəstəkləyirik. İran rejimi küçələrdə yerə İsrail və ABŞ bayraqlarını endriblər ki, insanları onları tapdalayıb keçsinlər. Ancaq insanalar bunu etmədilər.  Mənim fikrimcə, utandırıcı haldır kii, İran rejimi əhalidən yığılan vergi pullarını məktəb və xəstəxanalar xərcləməkdənsə, terrorizmə yönəldir".