Bakıda gecə klubunda 9 qadını və 1 oğlanı fahişə kimi satdılar

Bakıda müxtəlif şəxsləri fahişəliyə cəlb edən və “Antalya Mehman” adı ilə tanınan Həsənov Mehman Telman oğlu Ali Məhkəməyə müraciət edib.

News24.az-ın məlumatına görə, Azərbaycan Respublikasının Cinayət Məcəlləsinin 243.1-ci, yəni, gəlir və ya digər fayda əldə etmək məqsədi ilə fahişəliyə cəlb etmə maddəsi ilə ittiham edilərək məhkum edilmiş şəxs Ali Məhkəmədən barəsindəki işin yenidən araşdırılmasını və hökmün dəyişdirilməsini xahiş edib. Müraciətə hakim Tahir Kazımovun sədrliyi ilə baxılacaq.

Qeyd edək ki, Mehman Həsənovun gecə klubları və digər yerlərdə müxtəlif şəxslərlə görüşdürərək fahişəliyə cəlb etdiyi şəxslərin sayı 10 nəfərdir.

Onlardan 9-u qadın, biri isə gənc oğlandır. Həmin şəxslər zərərçəkən şəxs qismində tanınıb.