“Son illər Bakıda hotellərin sayı artıb”- ELDAR ƏZİZİOV

“Artıq beşinci ildir ki, paytaxt Bakı şəhərində “Formula 1” yarışları keçirilir. Bakı sakinləri bu tədbiri çox böyük maraqla qarşılayırlar. Bu da təbiidir.

Belə nüfuzlu yarışın Bakıda keçirilməsi bütün sahələrə müsbət təsir göstərir”.

Bunu Bakı Şəhər İcra Hakimiyyətinin başçısı Eldar Əzizov Bakı Konqres Mərkəzində keçirilən "İrimiqyaslı idman yarışlarının keçirilməsinin ölkəyə faydaları" adlı beynəlxalq konfransda çıxışı zamanı deyib.

“2016-cı ildən Bakıya səfər edən turistlərin sayı 4 dəfə artıb. Bu, böyük göstəricidir. Digər tərəfdən hotellərin sayı artıb. Diqqətinizə çatdırım ki, 2016-cı ildə rəsmi məlumatlara görə, Bakı şəhərində 148 hotel mövcud idi. Lakin bu gün hotellərin sayı 200-dən çoxdur”, - deyə E. Əzizov vurğulayıb. /APA/