Cəlilabad və Astara rayon Mərkəzi Xəstəxanalarına direktorlar təyin olundu

Cəlilabad və Astara rayon Mərkəzi Xəstəxanalarına direktorlar təyin olunub. 
 
Bu barədə News24.az-a Tibbi Ərazi Bölmələrini İdarəetmə Birliyindən verilib.

TƏBİB İdarə Heyətinin sədri Ramin Bayramlının əmri ilə  Əmənullayev Oktay Xalıq oğlu “Astara rayon Mərkəzi Xəstəxanası” publik hüquqi şəxsə, Azadxanov Elnur Ramazan oğlu “Cəlilabad rayon Mərkəzi Xəstəxanası” publik hüquqi şəxsə direktor vəzifəsinə təyin olunub. 

Qeyd edək ki, TƏBİB tabeliyindəki dövlət səhiyyə sisteminə daxil olan tibb müəssisələrinin idarə edilməsini və bu sahədə nəzarəti həyata keçirən qurumdur. TƏBİB-in fəaliyyətinin əsas məqsədi, tabeliyində olan tibb müəssisələrində əhalinin sağlamlığının qorunması üçün tibbi xidmətlərin təşkilini təmin etməkdən və tibbi xidmətlərin keyfiyyətinin yüksəldilməsi üçün tədbirlər görməkdən ibarətdir.