"Koronavirusun ikinci dalğası payızda daha öldürücü ola bilər" - ÜST

Ümumdünya Səhiyyə Təşkilatının Avropa regionu üzrə direktoru Hans Henri Kluqe yeni növ koronavirus pandemiyasının ikinci dalğası ilə bağlı xəbərdarlıq edib.

News24.az "The Telegraph"a istinadən xəbər verir ki,H. Kluqe payızda koronavirusun ikinci dalğası gözlənildiyini və bunun daha öldürücü ola biləcəyini vurğulayıb.

O bildirib ki, məhz buna görə ölkələr səhiyyə sistemlərinin gücləndirilməsinə, tibb müəssisələrinin ilkin tibbi yardım və reanimasiya bölmələrinin imkanlarının artırılmasına xüsusi diqqət yetirilməlidir.

ÜST rəsmisi pandemiya zamanı həm də qrip və qızılca xəstəliklərinin də yayılmariskinin olduğunu deyib.