SON DƏQİQƏ: Azərbaycanda karantin rejiminin yumşaldılması DAYANDIRILIR

Cümə günü axşamdan bazar günü səhərə qədər ölkədə bütün hərəkət məhdudlaşdırılacaq. Karantin rejiminin yumşaldılması dayandırılır.

News24.az xəbər verir ki, bunu Nazirlər Kabineti yanında Operativ Qərargahın növbəndənkənar brifinqində Nazilər Kabinetinin mətbuat katibi  İbrahim Məmmədov deyib. 

O bildirib ki, son günlər koronavirusun yoluxmasında sürətli artım olduğu üçün növbədənkənar brifinq keçirilir:"Yeni bir situasiya yaranıb, əsas səbəb də vətəndaşların karantin rejiminin qaydalarına əməl etməməlidir. Karantin qaydalarının pozulması barədə bir çox foto, video faktlar daxil olur. Buna görə də yenidən karantin rejiminin yumşaldılması prosesinin dayandırılması, hətta yenidən məhdudlaşdırma qaydaları müzakirə olunur. Bu məsələ artıq gündəmdədir. TƏBİB bu barədə Operativ Qərargaha müraciət edib. Belə bir fikir var ki, cümə günü axşamdan bazar ertəsi səhərə qədər tam qapadılma, hərəkətin məhdudlaşdırması qadağan oluna bilər. Mağazalar bağlana bilər. Sabah bu məsələ ilə bağlı Baş nazir Əli Əsədovun müraciəti olacaq. Həmin müddət ərzində İctimai nəqliyyat fəaliyyətini dayandıra bilər".