Çində ilk - HÖKÜMƏT KORONAVİRUSA GÖRƏ MƏHKƏMƏYƏ VERİLDİ

Çində ilk dəfə hökümət koronavirusa görə məhkəməyə verilib. 

News24.az xarici KİV-ə istinadən xəbər verir ki, yanvar ayında Çinin Uhan şəhərində 76 yaşındakı atasını itirən Zhanq Hay, "hökumət baş vermiş hadisəni gizlətdiyini" əsas gətirərək 2 milyon yuan dəyərində iddia qaldırıb.

Bu məhkəmə iddiasının, Çin hökumətinə qarşı qaldırılan ilk iddia olduğu bildirilib.

O, rəsmi üzr istənilməsini, habelə mərhum təqaüdü, cənazə xərcləri və psixoloji ziyanı təmin etməsi üçün səlahiyyətlilərdən və xəstəxanadan təxminən 2 milyon yuan pul tələb edib. O bildirib ki, hökumət xəstəliyi erkən dövrdə gizlətməsəydi atası ölməzdi. Z.Hay bunu cinayət adlandırıb. Həmçinin ABŞ vətəndaşlığını almaq  üçün müraciət edib.