Xəyyam Mirzəzadənin həyat yoldaşı vəfat etdi

Azərbaycanın Xalq artisti, bəstəkar Xəyyam Mirzəzadənin həyat yoldaşı Lamiyə Mirzəzadə dünyasını dəyişib.

News24.az xəbər verir ki, L.Mirzəzadə ötən gün ürək çatışmazlığından vəfat edib.

Məlumat üçün bildirək ki, o, 21 yanvar 1933-cü ildə Bakı şəhərində anadan olub. 1956-cı ildə Azərbaycan Dövlət  Universitetinin İndiki Bakı Dövlət  Universiteti) hüquq fakultəsini bitirib. Təhsilini başa vurduqdan sonra neft emalı zavodunda məsləhətçi hüquqşünas vəzifəsində çalışıb.

1962-ci ildə Bakı Dövlət Universitetinin aspirantura  şöbəsinə qəbul olunub. 1969-cu ildən Azərbaycan Dövlət İqitsad Universitetinin “Hüquq” kafedrasının müəllimi vəzifəsində çalışıb. “Mülki hüquq” və “Əmək hüququ” proqramının müəllifidir və bir çox elmi konfranslarda çıxış edib. İqitsad Universitetinin “İqtisadi hüquq” kafedrasının baş müəllimi olub.

Xatırladaq ki, Xəyyam Mirzəzadə 2018-ci il iyulun 30-da 82 yaşında vəfat edib.

L.Mirzəzadə Xarici İşlər Nazirliyinin Dövlət Protokolu İdarəsinin rəisi Pərvin Mirzəzadənin anasıdır.