Daha bir ölkə sərt karantin rejiminə keçir

İsrail hökuməti koronavirus yoluxmalarının əhəmiyyətli dərəcədə artması fonunda sərt karantin tədbirlərinin həyata keçirilməsini təsdiqləyib.

News24.az "Jerusalem Post"-a istinadən xəbər verir ki, sərtləşdirilmiş tədbirlərin cümə günündən etibarən 9 oktyabr Sukkot bayramının sonuna qədər iki həftə qüvvədə olacağı bildirilir.

Qeyd edək ki, İsrail Səhiyyə Nazirliyi son bir gündə rekord sayda, 7 minə yaxın yoluxmanın qeydə alındığını açıqlayıb. Bu günə qədər isə İsraildə yoluxma sayı 200 mini keçib.