"27 sentyabrdan bu günə qədər 52 cinayət işi başlanıb" - Kamran Əliyev

"27 sentyabrdan bu günə qədər 52 cinayət işi başlanıb".

News24.az xəbər verir ki, bunu Baş Prokurorluğun keçirdiyi brifinqdə Azərbaycan Respublikasının Baş prokuroru Kamran Əliyev deyib.

Baş prokuror vurğulayıb ki, 45 cinayət işi Baş Prokurorluq tərəfindən aparılır: "5 cinayət işləri Ermənistan silahlı birləşmələri tərəfindən muzdluların Azərbaycan silahlı qüvvələrinə qarşı vuruşması ilə bağlıdır. 3 cinayət işi DTX tərəfindən başqa ölkə vətəndaşlarının pul əsasında bizə qarşı vuruşması ilə bağlıdır. 

Ermənistan silahlı birləşmələrinin dinc əhaliyə qarşı cinayət işi 45-dir. 2442 mülki əhalinin evi dağıdılıb. 92 çoxmənzilli yaşayış binası dağıdılıb. 428 mülki obyekt məhv edilib. 91 nəfər dinc əhali həlak olub. 10 nəfər uşaq , 27 qadın, 53 kişi, 15 ahıl olub. Yaralanan şəxslərin 14-ü körpədir. 

Ermənilərin raket hücumu nəticəsində dinc əhalidən 26 şəxs Gəncə, 17 Tərtər, 8 nəfər Goranboy, Ağdam 7. Bərdə 27, Füzuli 3 nfəər həlak olub.