Paşinyanın kömək istəyinə Rusiyanın cavabı "YOX" OLDU

Rusiya Xarici İşlər Nazirliyi Ermənistanın baş naziri Nikol Paşinyanın Ermənistana yardım göstərilməsi ilə bağlı məsləhətləşmələr məsələsinə dair müraciətinə cavab verib.

Bu barədə News24.az Rusiya Xarici İşlər Nazirliyinin rəsmi internet saytına istinadən xəbər verir.

Nazirlik qeyd edib ki, toqquşmalar ancaq birbaşa Ermənistan ərazisinə keçərsə, Moskva İrəvana bütün lazımi yardımı göstərməyə hazır olacaq: 

"Müqaviləyə uyğun olaraq, qarşıdurmalar birbaşa Ermənistan ərazisinə keçərsə, Rusiya İrəvana bütün lazımi köməkləri göstərəcək".