"Ailə içində ciddi şəkildə yoluxmalar var" - TƏBİB rəsmisi

"Biz ayrı-ayrı regionlarda lokal qapanmalara getmək istəyirik. Amma effektli nəticə olmur".

News24.az xəbər verir ki, bunu TƏBİB-in Xəstəliklərin profilaktikası və kontrolu departamentinin müdiri Yaqut Qarayeva Nazirlər Kabineti yanında Operativ Qərargahın bu gün keçirilən brifinqində deyib.

TƏBİB rəsmisinin sözlərinə görə, yoluxma hallarının artmasının səbəbi maska və sosial məsafə ilə bağlıdır: "Kütləvi bir yerə toplaşmaq qətiyyən olmaz. Ailə içində ciddi şəkildə yoluxmalar var. Yəni tam bir ailə formasında yoluxmalar mümkündür. Gənclər ev şəraitində, yaşlılar isə xəstəxanalarda müalicə alırlar. Maskadan istifadə etməli, fiziki məsafəmizi qorumalı, dezinfeksiyaedici maddələrdən istifadə etməliyik. Biz bu qışı sadəcə karantin rejiminə riayət edərək keçirməliyik".