Bakıda ən çox qəzalar hansı yollarda olur? – Vaqif Əsədov AÇIQLADI

“Cari ildə Bakı şəhəri üzrə baş verən 194 yol nəqliyyat hadisəsi qeydə alınıb ki, bunlar da əsasən bir neçə küçə və prospektdə olub.”

News24.az xəbər verir ki, bunu Avtosfer.az-a açıqlamasında Bakı Şəhər Dövlət Yol Polisi İdarəsinin şöbə rəisi polis polkovniki Vaqif Əsədov deyib.

Şöbə rəisi bildirib ki, yol nəqliyyat hadisələrinin əksəriyyəti paytaxtın Ziya Bünyadov, Babək, Nobel, Qara Qarayev, Gəncə və Neftçilər prospektində, o cümlədən Fətəli xan Xoyski, Məhəmməd Hadi küçələrində və Lökbatan-Xocəsən şossesində baş verib.

Qeyd edək ki, Dövlət Yol Polisi əməkdaşlarının məqsədli, ardıcıl keçirtikləri tədbirlərin və təbliğatın nəticəsində 2020-ci ildə baş vermiş yol nəqliyyat hadisələri 2019-cu illə müqayisədə 15.8%, ölüm sayı 4.2%, xəsarət sayı isə 23.3% azalıb.