"Ən dəhşətlisi həkimlərin bizə verdiyi işgəncələr idi" - Əsirlikdən qayıdan Anar Əliyev

“10 noyabrda ermənilər tərəfindən əsir götürüldüm. Əsgərlər də işgəncə verirdilər. Amma ən dəhşətlisi həkimlərin bizə verdiyi işgəncələr idi. Orada bizə mənəvi işgəncələr də verirdilər. Bu, bizi ruhdan salmırdı. 12 gün İrəvanda həbsxana həyatım oldu. Yatanda gəlib bizi vururdular. Gün ərzində cəmi 1 saat ayaqüstə yata bilirdik". 

News24.az-ın xəbərinə görə, bu sözləri bu gün keçirilən mətbuat konfransında erməni əsirliyində olmuş hərbi qulluqçumuz Anar Əliyev deyib: “
Könüllü olaraq döyüşlərə qatılmışam. 14 dekabrda da bizi gətirəndə hara getdiyimizi bilmədik. Təyyarədə bildik ki, Bakıya gətirilirik. Ölkə Prezidentimizin səyi nəticəsində Dilqəm və Şahbazın da adının siyahıda olduğunu bildik. Onların 6 ildə orada çəkdiyi işgəncələri biz hələ görməmişdik. Biz buna görə çox sevinirdik. Prezident İlham Əliyevə təşəkkür edirəm ki, bizi əsirlikdə qoymadı”