Nigeriyada məktəbə silahlı hücum - 300 TƏLƏBƏ QIZ QAÇIRILDI

Silahlılar Nigeriyanın şimal-qərbindəki Zamfara əyalətindəki məktəbə hücum edərək 300 qız tələbəni qaçırıblar.

News24.az xəbər verir ki, bu barədə yerli "PM News" qəzeti məlumat yayıb. 

Terrorçuların cümə günü gecə Jangebe kəndində qızlar üçün liseyə hücum etdiyi qeyd bildirilir. Məlumata görə, onlarla silahlı əvvəlcə məktəbin yaxınlığındakı hərbi posta hücum edib, sonra məktəbə soxulublar. Tələbələrin gecə saat iki radələrində qaçırdıqları məlum olub.

Hücum zamanı bir neçə hərbçinin yaralana biləcəyi vurğulanəb. İtkilərin olub-olmaması barədə məlumat yoxdur.

Nəşrin mənbələrinə görə, yerli sakinlər qaçırılan məktəbli qızları xilas etmək üçün silahlıları axtarır.