Arif Quliyev koronavirusa yoluxdu - VƏZİYYƏTİ KRİTİKDİR

Xalq artisti Arif Quliyev koronavirusa (COVID-19) yoluxub.

News24.az-a bu barədə onun bacısı oğlu Nəsib Qocayev məlumat verib.

O, bildirib ki, artıq dörd gündür Xalq artisti xəstəxanda müalicə alır: "Arif müəllim səkkiz gün öncə koronavirusa yoluxub. Ailədə ondan başqa heç kim yoluxmadı. Hazırda vəziyyəti çox ağırdır, süni tənəffüs aparatına qoşulub. Klinikanın həkimləri sağ olsunlar, onun səhhəti ilə maraqlansalar da, böyük diqqət ayırsalar da, Arif müəllimin vəziyyəti hələ ki, olduqca kritikdir. Hər kəsin onun üçün dua etməsini istəyirəm".