Dövlət başçısı uzun fasilədən sonra keçirilən "Xarıbülbül" musiqi festivalı şəhidlərin XATİRƏSİNƏ HƏSR OLUNDUĞUNU BİLDİRDİ

"Bu il uzun fasilədən sonra birinci dəfə keçirilən "Xarıbülbül" musiqi festivalı şəhidlərimizin əziz xatirəsinə həsr olunur".

News24.az-ın məlumatına görə, bunu Prezident İlham Əliyev Şuşada "Xarıbülbül" festivalının açılışında deyib.

Dövlət başçısı qeyd edib ki, biz bu günü bizim qəhrəman hərbçilərimizə, Azərbaycan xalqına borcluyuq: "Xalq birləşdi, xalq həmrəylik göstərdi, bir yumruq kimi birləşdi və bu qələbəni Azərbaycan xalqı qazandı. Bu, bizim hamımızın qələbəsidir. Mən xahiş edirəm ki, Vətən müharibəsində şəhid olmuş qəhrəman şəhidlərimizin əziz xatirəsini bir dəqiqəlik sükutla yad edək".

Şəhidlərin xatirəsi bir dəqiqəlik sükutla yad olunub.