Bakıda avtomobilin vurduğu piyada xəstəxanada öldü

Bakıda ölümlə nəticələnən yol-nəqliyyat hadisəsi olub.

Bu barədə News24.az-a Daxili İşlər Nazirliyinin (DİN) Mətbuat xidmətindən məlumat verilib.

Bildirilib ki, mayın 17-də saat 15 radələrində Suraxanı rayonunun Yeni Ramana qəsəbəsi ərazisində Ucar rayon sakini N.Ağayev idarə etdiyi “Mercedes” markalı avtomobillə yolu keçən qəsəbə sakini Zabit Sultanovu vurub. Xəsarətlə xəstəxanaya yerləşdirilmiş piyada orada ölüb.

Suraxanı Rayon Polis İdarəsi tərəfindən araşdırma aparılır.