Qeydiyyata düşməyənlərə immunitet sertifikatı verilməyəcək

“Koronavirusa yoluxan şəxslər xəstəliyi ev şəraitində keçiribsə və rəsmi qeydiyyata düşməyibsə, onların immunitet sertifikatı əldə etmək şansı olmayacaq”.

News24.az-ın xəbər verir ki, bunu Səhiyyə Nazirliyinin nümayəndəsi Günay Quluzadə nazirliyin instaqram hesabında canlı yayım zamanı bildirib. 
O qeyd edib ki, son 6 ay ərzində xəstəliyə yoluxmuş və PCR testi ilə təsdiqlənmiş, qeydiyyata düşmüş şəxslər immunitet sertifikatı əldə edə bilərlər.

COVID-19 pasportunu isə peyvənd vurduran hər kəs “etabib” mobil aplikasiyasını yükləməklə asanlıqla əldə edə bilər.