Bərdədə piyadanı avtomobil vuraraq öldürdü

Bərdədə ölümlə nəticələnən yol-nəqliyyat hadisəsi baş verib.

Daxili İşlər Nazirliyinin (DİN) mətbuat xidmətindən News24.az-a verilən xəbərə görə, rayonun Mustafaağalı kəndi ərazisində kənd sakini M. İsmayılov idarə etdiyi “VAZ-2106” markalı avtomobillə yolun kənarında dayanan kənd sakini Qubad Bayramovu vurub. Qəza nəticəsində piyada aldığı xəsarətlərdən hadisə yerində ölüb.

Faktla bağlı Bərdə Rayon Polis Şöbəsi tərəfindən araşdırma aparılır.