Azərbaycan və Serbiya birbaşa uçuşlar həyata keçirməyi planlaşdırır

Azərbaycan və Serbiya viza rejiminin liberallaşdırılması və birbaşa aviareyslərin yaradılmasına dair sənədləri imzalamağı planlaşdırır.

Bunu Serbiyanın xarici işlər naziri Nikola Selakoviç Bakıda azərbaycanlı həmkarı Ceyhun Bayramovla birgə keçirdiyi mətbuat konfransında deyib.
Onun sözlərinə görə, yuxarıda göstərilənlər və digər sənədlər bu payız imzalanacaq.

Selakoviç payızda ortaq sənədlərin imzalanmasının iki ölkə arasında, xüsusən də iqtisadi sahədə əməkdaşlığın inkişafı üçün böyük imkanlar yaradacağını vurğuladı./Trend/