Hacıqabulda oğurluq edən şəxslər SAXLANILDI

Hacıqabul rayon sakini P.Poladov dekabr ayının 15-də Rayon Polis Şöbəsinə (RPŞ) ərizə ilə müraciət edərək yaşadığı evin həyətyanı sahəsindən bir ədəd 350 manat dəyərində olan su matorunun, mətbəx ləvazimatı və avtomobilinə məxsus dəyəri 500 manat olan ehtiyat hissəsinin naməlum şəxs və ya şəxslər tərəfindən oğurlandığı barədə məlumat verib.

Daxili İşlər Nazirliyinin Mətbuat Xidmətinin Şirvan regional qrupundan News24.az-a bildirilib ki, şöbə əməkdaşları tərəfindən keçirilən əməliyyat-axtarış tədbirləri nəticəsində qeyd edilən oğurluq hadisəsini törətməkdə şübhəli bilinən rayon sakinləri Hümmət Rəhmanov və Kamran Nəcəfov saxlanılıblar.

Dindirilmə zamanı həmin şəxslər törətdikləri cinayət əməlini etiraf ediblər.

Faktla bağlı Hacıqabul RPŞ-də araşdırmalar aparılır.