Alimlərdən şok açıqlama - Marixuana koronavirusdan qoruya bilər

Narkotik bitki olan marixuanada tapılan bir sıra birləşmələr SARS-CoV-2 virusunun hüceyrələrə daxil olmasının qarşısını ala bilər.

News24.az xəbər verir ki, bu barədə "Forbes" məlumat yayıb.

Bildirilib ki, Oreqon Universitetinin alimləri apardıqları araşdırmalardan sonra bu qənaətə gəliblər. Araşdırmalar zamanı marixuananın tərkibində cannabigerol (CBGA) və cannabidiol (CBDA) kannabinoid turşuları aşkar edilib. Bu turşularla koronavirusun S-zülalı ilə bağlana bilir.

Bu zaman onlar hüceyrəyə daxil olan virusun digər toxumalara yayılmasının qarşısını alır. Üstəlik, onlar psixoaktiv deyillər. Beləliklə, turşular bitkidən alına və yeni antiviral dərmanlar kimi istifadə edilə bilər.

Alimlər müəyyən ediblər ki, bu elementlər həm də yeni koronavirus ştammlarının, o cümlədən "omikron"un orqanizmdə yayılmasını da əngəlləyir.