Lənkəranda qanunsuz ov edən şəxslər saxlanıldı

Lənkəranda qanunsuz ov edən şəxslər saxlanılıb.

Daxili İşlər Nazirliyi Mətbuat Xidmətinin Lənkəran regional qrupundan News24.az-a verilən məlumata görə, Lənkəran Şəhər Rayon Polis Şöbəsinin (ŞRPŞ) əməkdaşlarının qanunsuz ovun, mülki silahın daşınması qaydalarının pozulması hallarının qarşısının alınması məqsədilə keçirdikləri növbəti tədbirlər nəticəsində rayon ərazisində qanunsuz ov edən Göyşaban kənd sakinləri S.Mirzəyev və S.Ağayev saxlanılıblar.

Onlardan 2 ədəd müvafiq sənədləri olmayan “İJ” markalı ov tüfəngləri aşkarlanıb.

Faktla bağlı Lənkəran ŞRPŞ-də müvafiq araşdırma aparılır.